САМИТ 2021 – Награди за најуспешна млада лидерка и најуспешна граѓанска организација за добри практики

“Национална платформа за женско претприемништво” во рамки на одржување на  Првиот годишен Самит за женско претприемништво “Нови перспективи за женско претприемништво“, ќе додели награда за најуспешна млада лидерка. За таа цел НПЖП објави „ Јавен повик за доделување награда-најуспешна млада лидерка претприемачка “, на кој имаа можност да се пријават сите заинтересирани успешни млади лидерки. 

Наградата ќе биде доделена на вториот ден од одржување на Самитот на 19-ти ноември во 11 часот , токму на Денот кој е Светски ден на женско претприемништво. 

Националната платформа за женско претприемништво, исто така објави и Јавен повик за  доделување на награда за граѓански организации  со добри практики во женско претприемништво. И оваа награда ќе биде доделена на Самитот  “Нови перспективи за женско претприемништво -Прв годишен самит на Националната платформа за женско претприемништво “ за 2021 година, во истиот термин .

Главната цел на овој голем настан е зголемување на видливоста и профилот на Платформата и придобивките од истата, во рамки на женското претприемништво. Ваквиот пристап обезбедува можност заедницата на платформата да се собере за да се споделат најдобрите практика и идеи, и да промовира политики што го поддржуваат женското претприемништво. 

Доколку не можете да присуствувате на овој настан во живо можете да се пријавите на ZOOM платформата на следниот линкhttps://us02web.zoom.us/j/82058627748

Агендата на настанот пак можете да ја погледнете на следниот линк https://weplatform.mk/wp-content/uploads/2021/11/Agenda_MK_Summit_NPWE.pdf