Тимот на Националната платформа за женско претприемништво оствари работна средба со Делегацијата на германското стопанство
Тимот на Националната платформа за женско претприемништво предводен од Валентина Дисоска – Претседателка на Национална платформа за женско претприемништво и Здружение на бизнис жени, заедно со Емилија Андонова – Програмска координаторка во Фондација за Менаџмент и индустриско истражување и Мими Шушлеска – Советник во Сојуз на стопански комори на Македонија, денеска остварија работна средба со Делегација на германското стопанство во Северна Македонија https://nordmazedonien.ahk.de/mk/ .
На средбата присуствуваа, Патрик Мартенс – Директор на делегацијата на германското стопанство (Делегација на германското стопанство во Северна Македонија), Маријан Малинов – Координатор (Македонско – Германско стопанско здружение) и Марина Станков – Проектен менаџер (Делегација на германското стопанство во Северна Македонија) .
На состанокот беа дискутирани престојните активности кои ги имаат Националната платформа за женско претприемништво и Делегацијата на германското стопанство во Северна Македонија, во полето на женско претприемништво како и поддршката која е потребна за жените претприемачки.
Во поглед на престојните настани кои ги имаат двете организации беа договорени заедничките интереси за соработка.
