Прв состанок на Советодавниот Одбор на Националната платформа за женско претприемништво
Советодавниот одбор на Националната Платформа на Женско Претприемништво е тело, формирано со цел стратешки да ги насочува и поддржува активностите на НПЖП, вклучувајќи ја и самата транзиција на платформата од ЕУ кофинансирање кон самоодржливост. Тој е составен од седум членови а тоа се : Јована Тренчевска и Душица Перишиќ претставници од јавниот сектор, Јасмина Кантарџиева Димков од медиусмкиот сектор, Маја Столевска Костадинова и Татјана Марковска од финансискиот сектор, Тања Томиќ од грѓанскиот и Тамара Јованов Апасиева , од академскиот сектор. Според насоките во програмата за избор на членови на Советодавниот одбор, сите се истакнати претставници од еко-системот на женското претприемништво, кои ќе се погрижат Националната платформа за женско претприемништво, секогаш да биде цврсто ориентирана кон потребите на релевантните засегнати страни и целни групи.
На првиот состанок на Советодавниот одбор, кој се одржа денеска (10.09.2021) учествуваа и претставници од проектните партнери, Валентина Дисоска , претседател на Здружението на бизнис жени и претседател на Националната платформа , Елена Блажевска од Здружението на бизнис жени, Мими Шушлеска-Петкова од Сојуз на стопански комори на Македонија, Емилија Андонова од Фондацијата за менаџмент и индустриско истражување –МИР и Даниела Антоновска од Национална Федерација на фармери. Сите заедно изнесоа клучни моменти од начинот на функционирање на Националната платформа и дадоа препораки за потребните активности кои треба да се преземат во врска со работењето во овој период .
На состанокот се дадоа насоки за основите на делување и тоа секој во својот сектор од каде доаѓа и делува.
Советодавниот одбор ќе одржува два состаноци годишно: еден поврзан со годишниот Самит во рамки на проектот ,,Национална платформа за женско претприемништво” и еден виртуелен состанок.
Следниот состанок на Советодавниот одбор ќе се одржи на теми поврзани со годишниот Самит кој треба да се одржи во текот на ноември 2021 година.
